İvan Perişiç son üç dünya çempionatında qol vurmağı bacaran 4-cü futbolçu olub.

Apasport.az saytının məlumatına görə, Xorvatiya millisinin üzvü DÇ-2022-dəki hesabını 1/8 finalda açıb.

O, Yaponiya ilə hazırda davam edən qarşılaşmada fərqlənib. O, DÇ-2014, DÇ-2018 və DÇ-2022-də qol vurmağı bacaran Lionel Messi, Kriştiano Ronaldo və Cerdan Şakiriyə çatıb.

İvan yığmada 33-cü qolunu vurub. Bu göstəricidə ikinci olan Mario Mancukiçə çatan Perişiç yalnız Davor Şukerdən geri qalır. Sonuncunun 45 qolu var.

Perişiç dünya və Avropa çempionatlarının final mərhələlərində 10-cu qolunu vurub. O, mundiallarda 6, qitə çempionatlarında 4 dəfə qol sevinci yaşayıb. Bu, Xorvatiyanın rekordudur.

• Türkiyə Kubokunda İstanbul derbisi olacaq
• Qarnaçodan "Yunayted"liləri qıcıqlandıran açıqlama: "Doğru an və doğru klub..."
• Ülvi İsgəndərov mükafatlandırılıb
• MOK rəsmiləri Avropa Olimpiya Komitələrinin 54-cü Baş Assambleyasının iclasında iştirak edəcəklər
• Azərbaycan gimnastı Slovakiya millisinin üzvlərinə təlim keçib