Avropada 2021/22 mövsümünə Çempionlar Liqasının (ÇL) final oyunu ilə yekun vurulub.

Apasport.az saytının məlumatına görə, həlledici qarşılaşma Fransanın paytaxtı Parisdə baş tutub.

Qitənin ən nüfuzlu klub turnirinin finalında “Real”la “Liverpul” üz-üzə gəlib. ÇL-in ən titullu komandası “Real” 17-ci, “Liverpul” isə 10-cu final görüşünə çıxıb.

Matçın taleyini ikinci hissədə vurulan bir qol həll edib. Vinisyus Juniorun 59-cu dəqiqədə vurduğu yeganə top ispanları qələbəyə daşıyıb.

Bununla “Real” 2018-ci ildən sonra ilk, ümumilikdə isə 14-cü dəfə kuboku muzeyinə apararaq, rekordunu yeniləyib. Üç ildən sonra yenidən final həyəcanı yaşayan “Liverpul” isə 7-ci titulunu qazanmağı bacarmayıb.

Çempionlar Liqası
Final
28 may
23:00. “Liverpul” (İngiltərə) – “Real” (İspaniya) – 0:1
Qol: Vinisyus Junior, 59
Baş hakim: Kleman Turpin (Fransa)
Paris. “Stad de Frans”

• "Bizim üçün "Qarabağ"ın qələbə qazanması daha sərfəli idi, lakin hər cür gedişata hazır idik" - MÜSAHİBƏ
• Millimizin Ukrayna yığması ilə matçının yeri müəyyənləşib
• İdman direktoru: “Mahir uğurlu olsa, azərbaycanlıların Super Liqaya yolunu açacaq”
• Yığmamızın iki futzalçısı “Iphone” gətirərkən saxlanıldı
• Orxan Məmmədov Azərbaycan Minifutbol Federasiyasının prezidenti seçildi