Yanvarın 14-də gənc boksçular arasında Azərbaycan birinciliyinə start veriləcək. 

Apasport.az xəbər verir ki, Boks Mərkəzində təşkil olunacaq yarışda oğlanlarda 13, qızlarda 2 çəki dərəcəsi üzrə mükafatçılar müəyyənləşəcək.

Çempionata respublikanın müxtəlif şəhər və rayonlarının klublarını, həmçinin idman cəmiyyətlərini təmsil edən 64 komandanın 278 oğlan, 26 qız boksçusu qatılacaq. Yarışın açılış mərasimi saat 12:00-da, döyüşlər saat 12:15-da başlanacaq. Qaliblərin adına isə yanvarın 19-da aydınlıq gələcək.

Yarış çərçivəsində həmçinin qızlar arasında Boks Federasiyasının seçmə turniri də baş tutacaq və 6 çəkidə ən güclülər dəqiqləşəcək. 

Mükafatçılar yığmanın heyətinə cəlb olunacaq və beynəlxalq yarışlarda ölkəmizi təmsil edəcəklər.

Qeyd edək ki, birinciliyin baş hakimi Anar Babanlı olacaq.

• “Neftçi”dən azarkeşlərinə şad xəbər: KUBOK MATÇINA GİRİŞ PULSUZ OLACAQ
• Bakıda keçiriləcək dünya çempionatında hakimlər üçün yenilik
• Azərbaycan təmsilçisi Qazaxıstanda “gümüş” qazandı
• Ayxan Abbasov: "Əsas məqsədimiz Premyer Liqada qalmaq olacaq" - Müsahibə
• ABŞ-da ən çox forması satılan futbolçular - Siyahı