Fevralın 7-8-də Fransanın paytaxtı Parisdə keçiriləcək "Böyük Dəbilqə" turnirində Azərbaycanı 8 cüdoçu təmsil edəcək.

Apasport.az xəbər verir ki, bunu Azərbaycan Cüdo Federasiyasının mətbuat xidməti açıqlayıb.

Ölkə nüfuzlu yarışda kişilərdən ibarət millinin baş məşqçisi Riçard Trautman, böyük məşqçilər Elxan Məmmədov və Slavko Tekiçin rəhbərliyi altında 5 çəki dərəcəsində 8 cüdoçu ilə təmsil olunacaq.

Balabəy Ağayev (60 kq), Nazir Talıbov, Ruslan Paşayev (hər ikisi 66 kq), Zelim Tçkayev, Vüsal Qələndərzadə (hər ikisi 81 kq), Əjdər Bağırov (100 kq), Uşanqi Kokauri və Kənan Nəsibov (+100 kq) tatamiyə çıxacaqlar.

Qeyd edək ki, turnirdə 82 ölkədən 526 idmançı mübarizə aparacaq.

• Paris-2024 basketbol yarışlarının püşkatması KEÇİRİLDİ
• Azərbaycan Kubokunun qalibi müəyyənləşdi
• “Qarabağ”ın səfər seriyası: Dünya ikincisi
• Ağırlıqqaldırma Federasiyasının prezidenti: “İrəvanda Azərbaycan bayrağına qarşı edilmiş hərəkət bizi çox məyus etdi”
• Yevlax klubu ev oyunlarındakı tamaşaçı sayına görə birincidir