Monteneqronun paytaxtı Podqoritsa şəhərində cüdo üzrə Avropa çempionatı davam edir.

Apasport.az xəbər verir ki, yarışın ikinci günündə Azərbaycan növbəti medalını qazanıb.

73 kq çəki dərəcəsində Rəşid Məmmədəliyev 1/16 final Benjamin Levi (Böyük Britaniya) ilə üz-üzə gəlib və rəqibini məğlub edib. O, ardınca Otari Kvantidzedən (Portuqaliya) də güclü olub. Məmmədyarov 1/4 finalda Hidayət Heydərovun Paris-2024 Yay Olimpiya Oyunlarında qalib gəldiyi Joan-Benjamin Qabanı (Fransa) sınağa çəkib. Rəşid də onunla dueldən qalib ayrılaraq yarımfinala yüksəlib. O, bu mərhələdə Danil Lavrentevlə (İJF) gücünü yoxlayıb. Təəssüf ki, cüdoçumuz uğurlu seriyanı davam etdirə bilməyib.

Rəqib qələbə qazandığından Məmmədəliyev bürünc medal uğrunda Daniel Zeqedi (Macarıstan) ilə mübarizə aparıb. Təmsilçimiz qalib gələrək bürünc medala sahib çıxıb.

• “Misli”nin dəstəyilə Peşəkar İntellekt Liqasının 2025-ci il mövsümü başa çatdı
• “Turan Tovuz” Panama millisinin üzvü ilə müqavilə yeniləyəcək
• “Yuventus”un keçmiş prezidenti türkiyəli ilə evləndi
• Həmyerlimiz Türkiyə millisinin oyununa təyinat aldı
• III MDB Oyunları: Azərbaycanın bayraqdarları müəyyənləşib