Azərbaycanlı kikboksinq və muay-tay döyüşçüsü Akif “King” Quluzadə növbəti qarşılaşmasına çıxacaq.

Apasport.az xəbər verir ki, təmsilçimiz ONE FC turniri çərçivəsində qüvvəsini sınayacaq.

Quluzadənin rəqibi Ferrari Fairtex olacaq. Yüngül çəki dərəcəsində keçiriləcək döyüş sentyabrın 4-də Tailandın paytaxtı Banqkokdakı “Lumpinee Stadium”da baş tutacaq.

Akif Quluzadə indiyədək ONE FC-də 6 döyüş keçirib. Azərbaycanlı idmançı bu qarşılaşmaların 5-də qələbə qazanıb, yalnız birində məğlub olub.

Qeyd edək ki, Quluzadə Ordu İdman Klubunun üzvüdür.

• Çalov “Qalatasaray” və “Fənərbaxça”nın hədəfində
• Naxçıvandan olan hakimlər briqadası ilk dəfə Azərbaycan çempionatında
• "Real Madrid"dən fantastik geridönüş, "Yuve" və "Borussiya"dan qələbə - YENİLƏNİB
• Fransa millisinin üzvü daha 3 il "Aston Villa"da - RƏSMİ
• “Bayer”dən gözlənilməz seçim – 42 yaşlı katalan baş məşqçi oldu