Atıcılıq üzrə Dünya Olimpiya Təsnifat Turniri davam edir.

Apasport.az xəbər verir ki, Azərbaycan millisinin də təmsil olunduğu səngər stendində (trap) təsnifat mərhələsi başa çatıb.

Qətərin paytaxtı Dohadakı turnirdə yığmamızın 6 snayperi final mərhələsinə vəsiqələr üçün mübarizə aparıb. Onlardan heç biri həlledici raunda yüksələ bilməyib.

Kişilərin yarışında 140 iştirakçı dəqiqliyini yoxlayıb. Əli Hüseynli 116 xalla 57-ci, Sabir Mehdizadə 112 xalla 110-cu, Əlimirzə Quliyev 109 xalla 123-cü olub.

Qadınların mübarizəsində 79 snayper iştirak edib. Ülviyyə Eyvazova 110 xalla 42-ci, Aydan Camalova 104 xalla 62-ci, Rəna Ələskərova 88 xalla 77-ci olub.

Qeyd edək ki, Dohadakı turnir millimizin təmsil olunmadığı skitdə davam etdiriləcək.

• İtaliya Superkubokunun final cütü bəlli oldu
• Güləşçilərimiz reytinq turnirini 12 medalla tamamladı
• Azərbaycanın ilk peşəkar badmintonçusunun xatirəsinə aid turnir keçirildi - FOTO
• Bəhlul "Qarabağ"ın müqavilə təklifini qəbul etmir - ÖZƏL
• FHN-in voleybol və basketbol komandaları yüksək nəticələr əldə ediblər