Dünya milyarderləri siyahısına daha bir idmançı daxil olub.

Apasport.az xəbər verir ki, bunu “Forbes” açıqlayıb.

“Los-Anceles Leykers”in sabiq basketbolçusu Mecik Consonun varidatı 1 milyard dolları keçib. 64 yaşlı basketbol veteranı artıq 1,2 milyarda malikdir. O, bu məbləğin böyük hissəsini idmançı karyerasını başa vurduqdan sonra qazanıb.

Milli Basketbol Assosiasiyasının 5 qat çempionu hazırda üç klubda pay sahibidir. Bu Los-Ancelesi təmsil edən bu komandalar beysbol, futbol və qadın basketbolu liqalarında mübarizə aparır.

Consona qədər yalnız üç idmançının qazancı 1 milyardı keçib. Bunlar basketbolçular Maykl Cordan, Lebron Ceyms və qolf əfsanəsi Tayger Vudsdur.

Qeyd edək ki, karyerası ərzində yalnız “Los-Anceles Leykers”də oynamış Conson 5 dəfə (1980, 1982, 1985, 1987, 1988) çempionluq yaşayıb, həmçinin Barselona-1992 Yay Olimpiya Oyunlarının qalibi olub. 
 

• “Qarabağ”ı “Mançester Yunayted”, Ovusunu Ronaldo izləyir - GÖSTƏRİCİLƏR
• Rəşad Sadıqov: “Bugünki "Neftçi"ni nəzərə alsaq, bir xal qazandıq” - MÜSAHİBƏ
• Xorvatiya millisinin məşqçisi Argentina ilə oyun zamanı qovulub
• Vüsal oynayıb, komandası növbəti mərhələyə yüksəlib
• “Liverpul” 2 ulduzunu komandada saxlayacaq