Albaniyanın paytaxtı Tiranada güləş üzrə U-23 dünya çempionatı davam edir.

Apasport.az xəbər verir ki, mundialın 4-cü günündə qadın güləşi üzrə millinin son 2 üzvü xalçaya çıxıb.

Jalə Əliyeva (57 kq) 1/8 finalda ukraynalı Alina Filipoviçdən güclü olub – 7:4. Həmyerlimiz növbəti mərhələdə isə türkiyəli Sevim Akbaşa heç bir şans tanımayıb – 10:0. Əliyeva yarımfinalda isə amerikalı Sofiya Makalusonu “tuş”la üstələyib və ardıcıl ikinci dəfə U-23 dünya çempionatının finalına yüksəlib. Jalə finalda yaponiyalı Ruka Natami ilə qarşılaşıb. Daha öncə yeniyetmələr və gənclər arasında dünya çempionu olmuş rəqiblə görüş gərgin mübarizə şəraitində keçib. Natamiyə 10:8 hesabıyla qalib gələn güləşçimiz dünya çempionu olub.

Ruzanna Məmmədova (62 kq) debütdə qırğızıstanlı Kalmira Bilimbekqızından (4:1) güclü olsa da, 1/4 finalda estoniyalı Viktoriya Vessoya 1:7 hesabıyla məğlub olub.

• Ramin Quliyev: "Kapitanlıq sarğısının Emin Mahmudovdan alınması yanlış idi" - Müsahibə
• Kurban Berdiyev: "Qarabağ"ın haqqını vermək lazımdır"
• Bonuççi "Yuventus"u məhkəməyə verir - SƏBƏB
• “Ordu”nun baş məşqçisi: “Müdafiədə yaxşı çıxış edə bilmədik”
• Premyer Liqa klubu baş məşqçisi ilə anlaşdı - 2032-ci ilə qədər