Bolqarıstanın Samokov şəhərində keçirilən U17 Avropa çempionatına yekun vurulub.

Apasport.az xəbər verir ki, sərbəst güləş üzrə millimiz uğurlu çıxış edərək 3 qızıl, 1 gümüş və 3 bürünc medal qazanıb. Yekunda 156 xal toplayan yığmamız çempion olan Rusiyadan cəmi 7 xal geri qalmaqla komanda hesabında Avropa ikincisi olub. Gürcüstan 124 xalla ilk "3-lüy"ü qapayıb.

Xatırladaq ki, böyük məşqçi Əsgərxan Novruzov, məşqçilər Vahid Məmmədov, Yaşar Əliyev və Allahverdi Vəliyevin rəhbərliyi altında Hüseyn Rzazadə (48 kq), İbrahim Həsənov (51 kq) və Nihad Süleymanlı (80 kq) Avropa çempionu olub. Rəşid Nazarov (65 kq) gümüş, Tunar Həsənov (45 kq), Abbas Şəfiyev (55 kq) və Hakim Tağıyev (110 kq) isə bürünc medal qazanıb.

• "Barselona" Messinin qayıtması üçün maliyyə strategiya hazırladı
• Portuqaliyalı futbolçu “Mançester Yunayted”dən ayrıla bilər
• Abubakar: "Sergen Yalçın bacarırsa, indi də komandanı çempion etsin"
• Braziliya millisinin üzvü karyerasını başa vurub
• Filip Ozobiç: “Çalışacağıq ki, yaxşı oyun nümayiş etdirək”