Azərbaycanın yunan-Roma güləşçiləri Albaniyanın paytaxtı Tiranada keçirilən U-23 Avropa çempionatında 1 gümüş və 2 bürünc medal qazanıblar.

Apasport.az xəbər verir ki, Ziya Babaşov (63 kq) finalda moldovalı Vitali Yeriomenkoyla qarşılaşıb və 1:3 hesabıyla məğlub olub.

Beləliklə, Babaşov qitə birinciliyini gümüş medalla başa vurub.

Elmir Əliyev (55 kq) bürünc medal uğrunda görüşdə çexiyalı Filip Bartoşikə heç bir şans tanımayıb (8:0) və fəxri kürsünün üçüncü pilləsinə yüksəlib.

Xasay Həsənli (77 kq) gündüz seansında təsəlliverici görüşə çıxıb. Güləşçimiz bolqarıstanlı Albert Doyevi 7:3 hesabıyla üstələyib. Həsənli axşam seansında isə Mixal Zelenkaya tam üstünlüklə (9:1) qalib gələrək bürünc medala sahib çıxıb.

• “Milan”ın yetirməsi “İnter”ə keçir
• “Araz-Naxçıvan” “Səbail”ə qarşı
• "Yuventus" "Milan"ın kapitanı ilə maraqlanır
• “Bavariya”nın gözü “Mançester Siti”nin qapıçısında
• Azərbaycanın 4 karateçisi Avropa çempionatının finalında