Şahmat üzrə Azərbaycan çempionatında 1/8 final mərhələsinin bütün iştirakçıları müəyyənləşib. 

Apasport.az xəbər verir ki, tay-brekdə qələbə qazanan Nicat Abasov, Xaqan Əhməd, Rəhim Qasımov, Kamal Ağasiyev, Paşam Əlizadə və Rəvan Əliyev növbəti mərhələyə vəsiqə qazanıb.

Ölkə çempionatının 1/8 final mərhələsində Murad İbrahimli turnirin reytinq favoriti Şəhriyar Məmmədyarovla, Əhməd Əhmədzadə Vüqar Rəsulov, Nicat Abasov Xaqan Əhməd, Rəhim Qasımov isə Aydın Süleymanlı ilə qarşılaşacaq. Azərbaycan çempionatının ötən ilki qalibi Rauf Məmmədov Şiroğlan Talıbovla, Paşam Əlizadə Read Səmədov, Rəvan Əliyev Məhəmməd Muradlı, Eltac Səfərli isə Kamal Ağasiyevlə mübarizə aparacaq. 

1/8 finaldan etibarən qadın şahmatçılar da yarışa qoşulacaq. 

Qeyd edək ki, çempionata fevralın 22-də yekun vurulacaq. 

• “Qarabağ-2” səfərdə minimal hesablı qələbə qazandı
• Voyislav Stankoviç: “Regekampf bu mövsüm də “Neftçi”də qalsaydı, komanda daha güclü olardı” - Müsahibə
• “Atalanta”nın hücumçusu “Qalatasaray”ın radarında
• Azər Bağırov: "Futbolçular çox şeyi düşünməlidi"
• Alkantara futbolçu karyerasını başa çatdıra bilər