“Lion”da rəhbər dəyişikliyi baş verib.

Apasport.az saytının məlumatına görə, bunu Fransa klubunun mətbuat xidməti açıqlayıb.

36 il ərzində Liqa1 təmsilçisinin prezidenti olan Jan-Mişel Olas postunu tərk edib. 1987-ci ildən bu vəzifədə olan futbol funksionerini amerikalı biznesmen Con Tekstor əvəzləyib. Onun rəhbəri olduğu “Eagle Football Holdings” 2022-ci ilin dekabrında klubun səhmlərinin 75 faizindən çoxunu alıb. 74 yaşlı veteran isə “Lion”un fəxri prezidenti olub.

Qeyd edək ki, klubun Liqa2-ni tərk etməyə yaxın olduğu vaxtda prezident postuna keçən Olasın dövründə komanda Liqa1-ə yüksəlib, 2002-08-ci illərdə ölkə çempionluğunu qazanıb. 36 ildə klubun kişi və qadın komandaları ümumilikdə 50 titul əldə edib.

• "Qarabağ"ın prezidenti Avropa Liqasının püşkatma mərasimində
• Qara Qarayev: “Milliyə dəvət olunmamağım zədə ilə bağlı deyil”
• "Tottenhem" Naqelsmann üçün "Bavariya" ilə danışmalıdır
• İqor Ponomaryovun Olimpiya çempionu kimi aldığı mükafat açıqlandı
• “Neftçi”nin futbolçusu: “Dünyanın ən güclü qrossmeysterlərindən biri ola bilərdim”