Fransa millisinin futbolçusu Lukas Ernandes karyerasını bitirmək istəyib.

Apasport.az saytının məlumatına görə, 26 yaşlı müdafiəçi dünya çempionatının Avstraliya ilə ilk tur oyununda zədələndikdən sonra bu fikrə gəlib.

Dizindən aldığı ağır zədə səbəbindən DÇ-2022-ni buraxmaq məcburiyyətində qalan Ernandes bu hadisədən sonra depressiyaya düşüb. Futbolçu otelə qayıdarkən hətta karyerasını bitirməyi nəzərdən keçirib. Lakin komanda yoldaşları və Qətərə yollanan anası ona dəstək olub.

Lukas yalnız uğurlu əməliyyatın ardından bu fikrindən daşınıb. O, tezliklə yaşıl meydanlara qayıdacağına ümid edir.

Qeyd edək ki, Lukas Ernandes karyerası ərzində 20-dən çox zədə alıb.

• “Liverpul” niderlandlı üçün “Yunayted”ə rəqib oldu
• Türkiyəli məşqçidən gözlənilməz qərar: "Santyaqo Bernabeu"da məşq etməyəcəklər
• Şeydayev: "Penaltini qaçırmağım durumuma təsir etmədi"
• Vadim Kuramşın: “Rəqibin adı önəmli deyil”
• Patrik Andradenin menecerinin Bakıya gələcəyi tarixi açıqladı – baş məşqçi