Xəbər verdiyimiz kimi, Super Liqa təmsilçilərindən "Qalatasaray" heyətini Alvaro Morata ilə gücləndirib. 

Apasport.az-ın məlumatına görə, "cimbom" "Milan"ın futbolçusunu 20 yanvar 2026-cı ilə qədər icarəyə götürüb. 

İstanbul klubu bunun üçün İtaliya təmsilçisinə 6 milyon avroluq müvəqqəti transfer haqqı ödəyəcək.

Futbolçuya 2024-2025 mövsümünün ikinci yarısı üçün 3 milyon avro, 2025-2026 mövsümünün ilk yarısı üçün 3 milyon avro qonorar ödəniləcək.

Bundan əlavə, "sarı-qırmızılılar" 15 yanvar 2026-cı il tarixinə qədər yazılı bildiriş vermək şərti ilə 8 milyon avro qarşılığında forvardın transferini həyata keçirmək imkanına sahibdir. Komanda bu məbləği də hissəli şəkildə ödəyə bilər. 

Həmçinin "Qalatasaray" 15 yanvar 2026-cı il tarixinə qədər alqı-satqı variantından istifadə etməsə, icarə müddətini pulsuz olaraq 30 iyun 2026-cı il tarixinə qədər uzada bilər.

Qeyd edək ki, Morata bu mövsüm 25 matçda 6 qol vurub, 2 məhsuldar ötürmə edib.

• Bernardo Silva qərarını verdi: "Qalatasaray"ın təklifinə cavab
• Morata gəldiyi yerə geri dönür
• Premyer Liqa: “Zirə” – “Qarabağ” matçının vaxtı məlum olub
• "Formula 1"in dünyada ilk rəsmi sərgisi baş tutdu
• Mehmet Ak: "Türkiyə və Azərbaycan futbol federasiyaları daha geniş işbirliyi etməlidir" - Müsahibə