“Mançester Siti”nin hücumçusu Erlinq Halandın karyerasını Türkiyədə davam etdirmək variantı olub.

Apasport.az saytının yerli mətbuata istinadən məlumatına görə, “Qalatasaray” ulduz futbolçunun keçidində maraqlı olub.

İstanbul nəhənginin 2017-ci ildə, oyunçunun 17 yaşı olanda ona transfer təklifi göndərdiyi bəlli olub. Həmin vaxt Halandı heyətinə yeni cəlb edən “Molde” transferin reallaşması üçün qarşı tərəfdən 9 milyon avro tələb edib.

Məbləğin gənc oyunçu üçün çox olduğunu düşünən “cim-bom” rəhbərliyi keçiddən imtina edib. Haland da bir il sonra “Zalsburq”a satılıb.

Qeyd edək ki, 22 yaşlı Haland bu ilin yayında Dortmund “Borussiya”sından “Mançester Siti”yə keçib.
 

• "Bayern" evdə xal itirdi, "Volfsburq" yenə darmadağın etdi
• Nərgiz İsmayılova Avropa Voleybol Konfederasiyasından təyinat alıb
• Arne Slot: “İndi geriyə baxanda hər şeyi fərqli edərdim”
• Rüfət Abbasov: "Son saniyədə buraxdığımız qolla "Qarabağ"a məğlub olmaq həqiqətən üzücüdür"
• Şahruddin Məhəmmədəliyev: "Milli komandada oynamaq mənim üçün fəxrdir" - Müsahibə