Türkiyə millisinin müdafiəçisi Samet Akaydın DÇ-2026-da Paraqvayla oyun öncəsi açıqlama verib.
Apasport.az xəbər verir ki, təcrübəli futbolçu ilk turda Avstraliyaya məğlubiyyətdən sonra həm komandadakı əhval-ruhiyyə, həm də futbolçulara yönələn tənqidlər barədə danışıb.
Samet Akaydın yığma üzvlərinin məğlubiyyətdən sonra çox məyus olduğunu bildirib:
“İnsanlar elə bilir ki, biz məyus deyilik. Elə bir şey yoxdur. Səhərə qədər yata bilmədik. Həddindən artıq kədərli idik”.
Müdafiəçi futbolçuların xarici görünüşü ilə bağlı sosial şəbəkələrdəki tənqidləri də düzgün saymadığını söyləyib:
“Bir insanın saçına, saqqalına, bığına qarışmaq mənə çox mənasız gəlir. Bizim də ailəmiz var, biz də bu formanı daşıyırıq. Meydanda ən yaxşısını etməyə çalışırıq”.
Samet Akaydın buna baxmayaraq, komandanın Paraqvayla oyuna kökləndiyini bildirib. O, millidə əhval-ruhiyyənin bərpa olunduğunu və qarşıdakı görüşə qələbə üçün çıxacaqlarını qeyd edib.
Qeyd edək ki, Türkiyə millisi DÇ-2026-nın D qrupunda ABŞ, Avstraliya və Paraqvayla mübarizə aparır. “Ay-ulduzlular” 0:2-lik Avstraliya məğlubiyyətinin ardınca qrupdakı ikinci oyununda Paraqvayla üz-üzə gələcək.
Oxşar xəbərlər
Ana səhifə
Bütün xəbərlər