Bu gün Azərbaycan Kubokunun 1/8 final mərhələsinin növbəti oyunları baş tutub.
Apasport.az xəbər verir ki, "Qəbələ" də öz meydanında "Qarabağ"ı qəbul edib.
Görüş qonaqların 0:2 hesablı qələbəsi ilə başa çatıb. Oyundan sonra "qırmızı-qaralar"ın baş məşqçisi Kaxabar Tsxadadze klubun rəsmi saytına açıqlama verib. Matçla bağlı fikirlərini bildirən mütəxəssis bunları deyib:
"Qarabağ" Azərbaycanda son 15 ilin ən yaxşı komandasıdır. Öz məşqçisi, heyəti, oyunçuları ilə onlar bunu sübut ediblər. Mən oyunçularıma təşəkkürümü bildirir, onlara çox sağol deyirəm. Çox yaxşı, çəkinmədən oynadılar. Sonadək mübarizə apardılar. Əlbəttə ki, komandalar arasında ciddi fərq var. Rəqibimizin fərdi bacarıqlarına görə bizdən güclü olan futbolçuları çox idi. Təbii ki, qarşımızdakı komanda "Qarabağ"dır, bu da normaldır. Onlar Avropada, biz isə 1-ci Liqada oynayırıq. Bir daha qeyd edirəm ki, futbolçularımın gördüyü iş yüksək səviyyəlidir. Onların əziyyətini qiymətləndirirəm və bir daha çox sağol deyirəm".
Oxşar xəbərlər
Ana səhifə
Bütün xəbərlər
Hesabım