Qadın voleybolçular arasında Azərbaycan Yüksək Liqasında bu gün VI turun oyunları keçiriləcək.

Apasport.az xəbər verir ki, ilk matçda "Abşeron" "Gəncə" ilə üz-üzə gələcək.

Qarşılaşma saat 16:00-da start götürəcək.

Saat 17:00-da UNEC - “Murov Az Terminal”, bundan bir saat sonra isə “Azərreyl” - “Milli Aviasiya Akademiyası” matçı başlayacaq.

Qeyd edək ki, 5 turdan sonra "Abşeron" 14 xalla liderdir. "Gəncə" 10 xalla ikinci, “Milli Aviasiya Akademiyası” 9 xalla üçüncü, "Azərreyl" 8 xalla dördüncü, "Murov Az Terminal" 4 xalla beşinci pillədə qərarlaşıb. Bütün görüşlərdə məğlub olan UNEC sonuncu - altıncıdır.

• Dünyada ən çox satılan forma açıqlandı
• Avstriya kuponu
• Millimiz Özbəkistanda bürünc medal qazanıb
• UEFA reytinqi: Polşa Azərbaycandan uzaqlaşdı
• “Araz-Naxçıvan”ın futbolçusu: “Tapşırığımız 3 xal qazanmaqdır”