"Barselona"nın hücumçusu Robert Levandovski La Liqada qol vurmağa davam edir. 

Apasport.az xəbər verir ki, polşalı forvard 17-ci turda ötən gecə "Betis"lə keçirilən oyunda (2:2) növbəti dəfə rəqib qapısına yol taparaq mövsümdəki qol sayını 16-ya çatdırıb.

36 yaşlı futbolçunun La Liqada bu mövsüm oyun sayı da 16-dır.

Bununla da, Levandovski  Lionel Messiyə aid olan rekordu təkrarlayıb. "Barselona"nın keçmiş hücumçusu da 2018-2019 mövsümündə mövsümün ilk 16 oyununda 16 qol vurmağı bacarmışdı. 

Qeyd edək ki, Levandovski bu mövsüm bütün turnirlərdə 21 oyuna 23 qol vurub, 2 qol ötürməsi edib.

• Mbappe seriala çəkiləcək
• İngilis KUPONU
• "Real" "Enfild"də tarixi nəticəyə imza atdı
• Qara Qarayev: “Neftçi” Azərbaycan futbolunun təməli və başlanğıcıdır”
• “Mançester Yunayted” onunla danışıqlara başladı