Super Liqa nəhənglərindən "Fənərbaxça" Anderson Talişkanın transferini tamamlayıb.

Apasport.az xəbər verir ki, "sarı-lacivərdlilər" həm braziliyalı ulduzla, həm də "Əl-Nəsr"lə əl sıxışıblar.

"Fənərbaxça"nın Talişkaya ödəyəcəyi maaş və müqavilə detalları da açıqlanıb.

İstanbul təmsilçisi Talişkanı satın alma variantı ilə icarəyə götürəcək. 

"Sarı-lacivərdlilər" Talişkanın 12 milyon avro maaşının yarısını ödəyəcək. Braziliyalının alış variantı 5 milyon avro olacaq. "Fənərbaxça" mövsümün sonunda Talişkanın komandada qalmasını istəyərsə, futbolçu ilə 3 illik müqavilə imzalanacaq.

Qeyd edək ki, 3,5 il ərzində "Əl-Nəsr"in heyətində 104 matça çıxan braziliyalı 76 qol vurub, 10 məhsuldar ötürmə edib. O, 2016-2018- ci illərdə digər İstanbul klubu - "Beşiktaş"ın şərəfini qoruyub. 

• "Real" "Jirona"nın müdafiəçisini transfer etmək istəyir
• Elmar Baxşıyev: “Komanda oyundan oyuna güvəni qaytaracaq”
• Laport “Mançester Siti”dən gedir
• Salahdan yeni REKORD
• "Bavariya"da yeni idman direktoru