Daha əvvəl xəbər verdiyimiz kimi, “Mingəçevir”in baş məşqçi postuna Ramiz Məmmədov təyin olunub.

Apasport.az xəbər verir ki, təcrübəli mütəxəssis bu təyinatla bağlı fikirlərini klubun mətbuat xidmətinə açıqlayıb:

"Klub rəhbərliyinə təşəkkür edirəm ki, etimad göstərərək dəvət göndərdilər. Onların bu güvənini doğrultmağa çalışacağıq. Mingəçevir mənim üçün doğma şəhərdir. Burada futbola başlamışam, oyunçu-məşqçi, kapitan olmuşam. Üstəlik, Mingəçevirdə iki dəfə final oynamışam. Elə bu gündən qollarımızı çırmayıb işə başlayırıq. İlk növbədə komanda yığmalıyıq. Hər mövqeyə - qapıdan tutmuş hücum xəttinə qədər - oyunçu alınmalıdır. Tanıdığım, təcrübəli və perspektivli futbolçuları dəvət etməyə çalışacağam.
Məqsəd "Mingəçevir"i çempion etməkdir! İnşallah, yaxın günlərdə hazırlıq planı qurub hədəfə çatmaq üçün işə başlayacağıq. Bildiyimə görə, çempionat sentyabrda başlayacaq. Yəni vaxtımız var".

Qeyd edək ki, Ramiz Məmmədov bu postda Fizuli Məmmədovu əvəz edib.

• Premyer Liqada gərgin an: Əvəzləmək istədilər, futbolçu meydandan çıxmadı - VİDEO
• II Liqa klubu Vüqar Nadirovla yollarını ayırıb - RƏSMİ
• Azər Həşimov: "Ölkə çempionatda sürpriz komanda olmağa çalışacağıq"
• "Trabzonspor" gürcü futbolçu üçün Şotadan kömək istəyir
• "Kəpəz" Premyer Liqanın debütantı ilə qarşılaşacaq