Azərbaycan milli komandasının hücumçusu Renat Dadaşov mövsümə hansı klubda başlayacağına hələ qərar verməyib.

Apasport.az saytına verilən məlumata görə, 26 yaşlı hücumçuya Azərbaycan klublarından təklif olsa da, o, yerli çempionatda oynamaq qərarından daşınıb.

Hazırda futbolçuya ən real təkliflər Türkiyə, Almaniya, Polşa və Yunanıstan klublarındandır. Dadaşov hətta Yunanıstanın "Aris" klubuna keçərsə, komandanın Konfrans Liqasında "Araz-Naxçıvan"la oyunu üçün Azərbaycana gələ bilər.

Belə ki, Saloniki təmsilçisi Dadaşovun xidmətində maraqlıdır. Hazırda azad agent statusuna malik forvard qarşıdakı həftə yeni klubu ilə bağlı məsələyə qərar verəcək.

Qeyd edək ki, Renat "Ayntraxt"(Frankfurt), "Eştoril", "Vulverhempton", "Pasuş Ferreyra", "Qrasshopper", "Tondela", "Hatayspor", "Ankaragücü", "Radomyak" klublarında çıxış edib.

• Əl-Musrati üçün “Monako” macərası bitdi - GERİ QAYIDACAQ
• Qismət Alıyev: "Avropa komandaları “Qarabağ”la başabaş oynaya bilmir”
• Niyaməddin Paşayev: "Taekvondoçularımız bizi dəstəkləyən hər kəsi sevindirdi" - VİDEO
• “Atletiko”nun sabiq futbolçusu “Turan Tovuz”da - RƏSMİ
• "Fənər" “Viktoriya" səfərindən bir xalla qayıdır, AL-də günün nəticələri - YENİLƏNİB