"Komandam üçün əlimdən gələni edirəm. Lakin hələ üzərimdə çox işləməliyəm".

Bu sözləri apasport.az saytına açıqlamasında Abdullahi Şuaybu deyib.

"Qəbələ"nin hücumçusu MOİK-lə matçı dəyərləndirib: "Bu gün yaxşı oynadıq. Meydana qələbə üçün çıxmışdıq. İstəyimizə nail olduğumuz üçün xoşbəxtik. Bakıdan 3 xalla ayrılırıq. Öz çıxışım barədə onu deyə bilərəm ki, əlimdən gələni etməyə çalışıram. Komandamın uğurları üçün bacardığımı meydanda qoyuram. Üzərimdə çox işləməliyəm. Turnir cədvəlində liderliyimizi davam etdiririk. Ümid edirəm ki, ilk pillənin sahibi kimi Premyer Liqaya vəsiqə qazanacağıq. Növbəti həftə "Karvan"la çox vacib oyunumuz var. Rəqibimiz çox güclü komandadır. Lakin həmin görüşdən 3 xalla ayrılmaq niyyətindəyik".

Qeyd edək ki, I Liqanın MOİK - "Qəbələ" matçı qonaqların qələbəsi ilə nəticələnib - 4:0.

• Azər Bağırov: “Meydanda görmək istəmədiyimiz hallar var”
• "Tottenhem" "Çelsi"nin futbolçusunu transfer etməyə hazırlaşır
• "Neftçi"də yarımmüdafiə problemi həll olundu: MÜQAVİLƏDƏ RAZILIĞA GƏLDİLƏR
• Prezident İlham Əliyev “Formula 1”in prezidenti və baş icraçı direktorunu, məsləhətçisini və britaniyalı supermodeli qəbul edib
• “Turan Tovuz”un futbolçuları azarkeşlərə hücum çəkdi