“Qarabağ” daha bir futbolçusu ilə vidalaşmağa hazırlaşır.

Apasport.az saytının əldə etdiyi məlumata görə, Ağdam təmsilçisi Emmanuel Addai ilə yollarını ayıracaq.

Cari mövsümün sonunda müqaviləsi başa çatacaq qanalı vingerlə yeni sözləşmə ilə bağlı razılığa gəlinə bilmir. “Köhlən atlar” 24 yaşlı futbolçunu komandada saxlamaq niyyətindədir.

Lakin o, azad agent kimi “Qarabağ”dan ayrılmaq istəyir. Buna səbəb Addainin Avropa klublarından aldığı təkliflərdir. 

Xatırladaq ki, Addai 2024-cü ilin yayında İspaniyanın “Alkorkon” klubundan transfer olunmuşdu.

Qeyd edək ki, Emmanuel bu mövsüm “Qarabağ”ın heyətində bütün turnirlər daxil olmaqla 36 rəsmi matçda iştirak edib, 4 qol vurub və 2 məhsuldar ötürmə ilə yadda qalıb.

• Elmar Baxşıyev: “Bizi hansı təhlükənin gözlədiyini bilirdik”
• Şeydayev məsələsində "Neftçi"yə yardım: TÜRKİYƏ KLUBU RAMİLİ İSTƏYİR
• "Zaqatala"nın baş məşqçisi: "Yaxşı heyət yığmaqla komanda oyunu nümayiş etdirmək fərqli şeylərdir"
• “Qarabağ”ın monteneqrolusunun durumuna aydınlıq gəldi: KOMANDADA QALACAQ?
• Azər Bağırov: “Əlimizdə olan futbolçular bunlardır“