Misli Premyer Liqasının XXII turunda “Səbail”lə qarşılaşan “Qarabağ” ev oyununda 5:0 hesablı qələbə qazanıb.

Apasport.az xəbər verir ki, 75 dəqiqəsi qolsuz bitən görüşdəki bütün toplar hakimin final fitinə 15 dəqiqə qalandan sonraya təsadüf edib

Qurban Qurbanovun yetirmələri bununla da Azərbaycan çempionatları tarixində XXI əsrin rekorduna imza atıb. “Qarabağ” 5 və ya daha çox qol vurduğu görüşdə hesabı ən gec açan komanda olub. Ağdam təmsilçisi ilk topu 76-cı dəqiqədə vursa da, matçın sonunadək “5”ə çatıb.

Bunadək əsrin rekordu “Qəbələ”yə məxsus idi. “Qırmızı-qaralar” 2021/22 mövsümündə “Səbail”lə qarşılaşmada 65-ci dəqiqədə hesabı açdıqdan sonra 5:0 hesabı ilə qalib gəlib.

• Çempionlar Liqasında Azərbaycan dueli
• Bolqarıstan millisinin baş məşqçisi: "Sabahkı oyunda qələbəyə köklənmişik"
• "Cəbrayıl"ın baş məşqçisi: "Əsas olan komandanın sxemasını formalaşdırmaqdır"
• Ayxan Abbasov: “Hücumda bir az da soyuqqanlı olsaydıq...”
• "Formula 1": "Ferrari" pilotu sıralama turunu lider başa vurub - YENİLƏNİB