Futbol üzrə Azərbaycan millisi sabah növbəti matçına çıxacaq.

Apasport.az xəbər verir ki, yığmamız Millətlər Liqası çərçivəsində İsveçi qəbul edəcək.

Qarşılaşmadan öncə komandamızın kapitanı Emin Mahmudov mətbuat konfransında iştirak edib:

"Sabah bizi çox yaxşı komandaya qarşı matç gözləyir. Yaxşı oyun göstərməyə çalışacağıq. Bilirik ki, yaxşı futbolçuları var. Bizim məqsədimiz var. Qalib gəlmək istəyirik".

- İsveç revanş almaq istəyəcək. Motivasiya necədir?
- İsveçə qarşı son oyun karyeramın ən yaxşı matçlarından biri oldu. Komandaya kömək edəcəm. Allah qoysa, yaxşı oynayarıq.

- Fernandu Santuşla ilk dəfədir çalışırsız...
- Normal bir məşq keçirdik. Yavaş-yavaş onun oyun fəlsəfəsini həyata keçiririk.

- "Neftçi"də əhval-ruhiyyə yaxşı deyil. Millidə bunu unutmaq üçün nə edirsən?
- Heç vaxt klubdakı problemləri milliyə gətirməmişəm. Çalışmışam ki, ayrı-ayrı yanaşım. Milliyə gələndə heçnə düşünmürəm. Problemlər çox olur. Amma kənara qoyub, millini düşünürəm.

- Ötən qalibiyyətin təsadüf olmadığını sübut etmək üçün nə edəcəksiz?
- Maksimum diqqətli olmalıyıq. Bizi çox yaxşı rəqib və çox güclü oyunçular gözləyir. Çalışacağıq ki, mübarizə göstərərək, öz futbolumuzu oynayaq. 

- Hansı futbolu oynayacağıq?
- Bir günlə heç nə dəyişə bilmərik. Çox kompakt, topla oynamağa çalışacağıq. Alınacaq ya, yox, bunu zaman göstərəcək. Çalışacağıq.

• Buçnan “İnter” yolunda
• Prezident İlham Əliyev Beynəlxalq Avtomobil Federasiyasının prezidentini qəbul edib
• Qadın şahmatçılarımızdan qələbə
• Ayxan Abbasov: “Hücumda bir az da soyuqqanlı olsaydıq...”
• Reşford Avropa çempionatını buraxa bilər