Emin Mahmudov “Neftçi”də 60-cı qolunu vurub.

Apasport.az Peşəkar Futbol Liqasının mətbuat xidmətinə istinadən xəbər verir ki, 33 yaşlı yarımmüdafiəçinin yubileyi Misli Premyer Liqasının XXXIII turuna təsadüf edib.

O, “Kəpəz”lə görüşdə (2:2) Bakı klubunu məğlubiyyətdən xilas edən qolun müəllifi olub.

E.Mahmudov “Neftçi”də keçirdiyi 252-ci qarşılaşmada 60-cı qoluna sevinib. O, Premyer Liqada 44, Azərbaycan Kubokunda 7, avrokuboklarda 9 dəfə fərqlənib.

Yarımmüdafiəçi “Neftçi”nin tarixi ərzində 60 və daha çox qol vuran 15-ci futbolçudur. O, klub tarixinin bombardirləri siyahısında 60 qol vuran Kazbek Tuayevə çatıb.

Qeyd edək ki, “Neftçi” tarixinin ən məhsuldar futbolçusu Samir Ələkbərovdur – 142 qol. Anatoli Banişevski 136, Yunis Hüseynov 103 dəfə fərqlənib.

• İslamiada: Azərbaycan millisi Səudiyyə Ərəbistana məğlub olub
• UEFA "Barselona" və "Çelsi"ni cəzalandırıb
• "Napoli" "Yuventus"un futbolçusu üçün 25 milyon ödəyəcək
• Misli Premyer Liqası: Yeni mövsümün ilk turunun oyun cədvəli bəlli olub
• Yeniyetmə cüdoçularımız Teplitse Avropa Kubokunda mübarizə aparacaq