Monteneqronun Budva şəhərində gənc boksçular arasında Dünya kuboku statuslu “Adriatik incisi” beynəlxalq turnirinə start verilib.

Apasport.az xəbər verir ki, yarışın ilk günündə Azərbaycan millisinin bir idmançısı rinqə çıxıb.

54 kq çəkidə mübarizə aparan Zidan Hümbətov 1/8 final çərçivəsində qazaxıstanlı Almaz Nurlanla qarşılaşıb. Boksçumuz rəqibini 3:1 (28:28, 29:28, 28:29, 30:27, 29:28) hesabı ilə məğlub edib. O, növbəti görüşündə İlgiz Korqonbayevlə (Qırğızıstan) gücünü yoxlayacaq. Döyüş martın 6-da olacaq.

Qeyd edək ki, martın 9-da başa çatacaq yarışa Azərbaycan millisi 3 oğlan, 4 qız boksçu ilə yollanıb.

• Avropa çempionatına yollanacaq güləşçilərimiz müəyyənləşdi
• Xabi Alonso qərarını verib: Addım-addım Madridə
• “Roma” Avropada seriyanı davam etdirir: "Ştutqart" da dayandıra bilmədi
• Ülvi İsgəndərov: "Onun yoxluğu bizim üçün çətindir" - Müsahibə
• "Komandasında mütəmadi oynamayan futbolçu toplanışa dəvət almayacaq"