Türkiyənin İstanbul şəhərində keçirilmiş gənclər arasında Avropa Kuboku başa çatıb.

Apasport.az xəbər verir ki, yarışın ikinci günündə Azərbaycan cüdoçuları daha 4 medal qazanıblar.

90 kq çəki dərəcəsində çıxış edən Aslan Kotsoyev keçirdiyi 5 görüşün hamısında qalib gələrək fəxri kürsünün ən yüksək pilləsinə qalxıb. Finalda cüdoçumuz Qazaxıstan təmsilçisi Qleb Azarova qalib gəlib.

Mehdi Abbasov (-81 kq), Ramazan Əhmədov (+100 kq) və Xədicə Qədəşova (-52 kq) isə bürünc medal əldə ediblər.

Qeyd edək ki, yarışın ilk günündə Nizami İmanov (-66 kq) qızıl, Nihad Məmişov və Fərid Qarayev (hər ikisi -60 kq) isə bürünc medala sahib olublar.

Ümumilikdə, Azərbaycan yığması İstanbul Avropa Kubokunu 2 qızıl və 5 bürünc medalla başa vuraraq 31 ölkə arasında ümumi komanda hesabında 4-cü, kişilər arasında isə 2-ci yeri tutub.

• Cüdoçularımız Avropa Kubokunda 2 qızıl, 2 bürünc medala sahib çıxıblar
• Ərəblər "Real"ın futbolçusunu istəyir: milyardlıq təkif
• Kadetlər arasında zona birinciliklərinin final mərhələsinin qalibləri bəlli olub
• “Arsenal” “İnter”i məğlub edərək klub rekordunu yeniləyib
• Avropa Liqası: “Fənərbaxça”nın pley-offdakı rəqibi bilindi - YENİLƏNİB