Latviyanın paytaxtı Riqada keçirilən cüdo üzrə veteranlar arasında Avropa çempionatının üçüncü günündə milli komandamız daha 2 medal qazanıb.

Apasport.az xəbər verir ki, qitə turnirində ölkəmizin yeganə qadın təmsilçisi Zülfiyyə Hüseynova (F-6, -70 kq) bütün rəqiblərinə ipponla qalib gələrək Avropa çempionu olub.

M-1 yaş kateqoriyasında çıxış edən Samir İsmayılov (-73 kq) isə üçüncü yeri tutaraq bürünc medala layiq görülüb.

Qeyd edək ki, bundan əvvəl Fərhad Rəcəbli (M-8, -90 kq), Babək Hacıyev (M-4, -60 kq), Vaqif Kərimov (M-4, -73 kq), Emil Hüseynov (M-4, -100 kq) qızıl, Samir İsmayılov (M-3, -81 kq) bürünc medal qazanıb.

Beləliklə, aktivində 7 medal (5 qızıl, 2 bürünc) olan yığmamız 37 ölkə arasında kişilərin mübarizəsində 4-cü, ümumi komanda sıralamasında isə 5-ci pillədə qərarlaşıb.

• "Neymarın gəlişindən sonra "Santos"un azarkeşləri çoxalıb" - Klub prezidenti
• Naxçıvan Basketbol Federasiyası fəaliyyətini dayandırıb
• Daha bir boksçumuz “Adriatik incisi”ndə yarımfinala vəsiqə qazanıb
• Türklər Meksika yığması ilə bacarmadı
• Azərbaycan Kubokunun finalında 24-cü dəfə fərqli komandalar üz-üzə gələcəklər