Bakıda ilk dəfə keçiriləcək “UFC Fight Night: Hill vs. Rountree Jr.” turniri ərəfəsində “Qarabağ” futbol klubunun stadionunda Azərbaycanlı idmançı Rafael Fiziev, Ağdam klubunun baş məşqçisi Qurban Qurbanov və futbolçu Bəhlul Mustafazadə bir araya gəliblər.

Apasport.az xəbər verir ki, Rafael Fiziev klubun bazasına gəlib, Qurban Qurbanov ilə görüşüb. Baş məşqçı döyüşçünü stadionla tanış edib. 

Qurban Qurbanov Azərbaycanlı döyüşçüyə “11” nömrəli klub formasını hədiyyə edib. Rafael Fiziev isə öz növbəsində “Qarabağ” klubunun baş məşqçisinə UFC-nin rəsmi əlcəklərini təqdim edib.

Daha sonra Rafael Fiziev və Bəhlul Mustafazadə məşhur «tirə zərbə» oyununda qüvvələrini sınayıblar. Ardınca Fiziev Bəhlula bir neçə zərbə texnikasını nümayiş etdirib.

Qeyd edək ki, 47.3 milyon izləyicisi olan UFC-nin rəsmi "Instagram" səhifəsində tədbirdən foto və videolar paylaşılıb.

• Trent Buhagiar: "Misli Premyer Liqası İtaliya B seriyasından heç də geri qalmır"
• "Liverpul" 60 milyonluq futbolçu üçün hərəkətə keçib
• Noyerin sevinci kədərə çevrildi - Klubu açıqladı
• Güləşçilərimiz Türkiyədə xatirə turnirində iştirak edəcəklər
• “Araz-Naxçıvan” braziliyalı futbolçu ilə müqavilə yenilədi