"Qalatasaray" da daxil olmaqla bir çox komandanın heyətinə qatmaq istədiyi Viktor Osimhen "Fənərbaxça"nın da radarına düşüb.

Apasport.az xarici mətbuata istinadla xəbər verir ki, "sarı-lacivərdlilər" agentləri vasitəsilə İtaliya klubu ilə əlaqə yaradıblar.

"Fənərbaxça" "Napoli"yə Osimhenin müqaviləsində yer alan 75 milyon avroluq sərbəst qalma haqqını ödəməyə hazır olduqlarını bildirib.

Həmçinin "sarı-lacivərdlilər" Osimhenə  "Qalatasaray"ın təklif etdiyindən daha yüksək məbləğ vəd ediblər.     

Nigeriyalının hazırda icarə əsasında çıxış etdiyi "Qalatasaray" da  "Napoli" ilə əlaqə saxlayıb və Osimhenin sərbəst qalma müddəasını 3 il ərzində ödəməyi təklif edib.  

Qeyd edək ki, bu mövsüm bütün yarışlarda 38 matçda iştirak edən Viktor Osimhen 33 qol və 8 məhsuldar ötürmə ilə yadda qalıb.    

• Mançester derbisində "Yunayted" qələbə qazanıb
• AVF Uşaqların Beynəlxalq Müdafiəsi Gününə həsr olunan voleybol festivalı keçirib
• Kerem Aktürkoğluna Harri Potter şoku: Warner Bros. futbolçunu məhkəməyə verdi
• Super Liqa klubunda Sergen Yalçın səsləri
• "Araz-Naxçıvan" "Neftçi"ni məğlub etdi, çempion oldu