“Liverpul” və Misir millisinin futbolçusu Məhəmməd Salah Afrika Millətlər Kubokunda məhsuldarlığını davam etdirir.

Apasport.az xəbər verir ki, Salah turnirdə ardıcıl üçüncü matçında da qol sevinci yaşayıb.

1/8 final mərhələsində Misir yığması əlavə vaxtda Benini 3:1 hesabı ilə məğlub edib. Qarşılaşmanın hesabını təyin edən qolu Salah 124-cü dəqiqədə vurub. Bununla da misirli futbolçunun hazırkı Afrika Millətlər Kubokunda keçirdiyi üç oyunda vurduğu qolların sayı üçə yüksəlib.

Qeyd edək ki, Məhəmməd Salah 2017-ci ildən “Liverpul”un formasını geyinir və onun İngiltərə klubu ilə müqaviləsi 2027-ci ilin yayına qədər qüvvədədir.

• "Hayduk"un baş məşqçisi: "15 ildir ki, komanda avrokuboklarda yaxşı çıxış etmir"
• "Barselona" Şesni ilə müqavilə yeniləmək istəyir - Laporta açıqladı
• Mbappe qol vurduğu 21 oyundan 19-da "Real Madrid" qələbə qazanıb
• Cüdoçularımız Olimpiya Təlim Düşərgəsində iştirak edirlər
• "Liverpul" yeni müdafiəçi üçün 47 milyon avro ödəyəcək