İtaliyalı hücumçu Mario Balotelli karyerasını Səudiyyə Ərəbistanında davam etdirə bilər.

Apasport.az xəbər verir ki, bu barədə tanınmış jurnalist Nikolo Şira məlumat yayıb.

Mənbənin iddiasına görə, “Əl-İttifaq” 35 yaşlı futbolçu ilə maraqlanır. Klub Balotelliyə 2028-ci ilin ortalarına qədər nəzərdə tutulan uzunmüddətli müqavilə təklif etməyə hazırdır.

Qeyd edək ki, Mario Balotelli bu yaydan etibarən azad agent statusundadır. Təcrübəli hücumçu ötən ilin oktyabr ayından bəri son klubu olan “Cenoa”nın formasını geyinib.

Hazırda “Əl-İttifaq” Səudiyyə Ərəbistanı çempionatında doqquz turdan sonra 12 xalla turnir cədvəlinin doqquzuncu pilləsində qərarlaşıb.

• "Benfika" "Fənərbaxça"nın təklifinə cavab verməyib
• Millimizin Ukrayna yığması ilə səfər oyununun yeri məlum olub
• “Beşiktaş” Tammy Abraham transferində “Aston Villa” ilə razılığa yaxındır
• “Real Madrid” “Mançester Siti”ni məğlub edərək rekorda imza atıb
• U-17 yığmamız Gürcüstanla yoxlama oyunu keçirəcək