"Brentford”un hücumçusu İqor Tiaqo karyerasını Londonun digər klubunda davam etdirə bilər.

Apasport.az xəbər verir ki, “Tottenhem” 24 yaşlı braziliyalı forvardı transfer siyahısına daxil edib.

“Brentford” rəhbərliyi isə komandanın əsas fiqurlarından sayılan Tiaqonu 70 milyon avro dəyərində qiymətləndirir.

“Tottenhem” qış transfer pəncərəsində bu qədər yüksək məbləğ ödəmək niyyətində deyil. Bu səbəblə futbolçunu icarə əsasında heyətinə qatmağa çalışacaq. Lakin “Brentford” tərəfi icarə variantına müsbət yanaşmır və hücumçunu yalnız daimi transferlə satmaq istəyir.

Qeyd edək ki, İqor Tiaqo 2025/2026 mövsümündə bütün turnirlər üzrə 16 oyunda meydana çıxıb və 12 qolla yadda qalıb. Braziliyalı futbolçunun “Brentford”la müqaviləsi 2029-cu ilin yayına qədər qüvvədədir. “Transfermarkt” portalı isə forvardın bazar dəyərini 35 milyon avro olaraq qiymətləndirir.

• "Aruka"nın fədakar azarkeşi 1448 km yol qət etdi, komandasını tək buraxmadı - VİDEO
• Dünya çempionatında bir boksçumuz finala yüksəlib, ikisi bürünc medal qazanıb
• Ruben Amorim “Benfika”nın baş məşqçi postuna namizəddir
• Millimizin üzvü: "İngilislər heç də zəif komanda deyil"
• Milan Antiç: “Qəbələ” layiq olduğu yerə qayıtdı"- Müsahibə