"Qalatasaray" bu axşam Çempionlar Liqasının 1/8 final mərəhələsinin ilk oyunu çərçivəsində "Rams Park'da "Liverpul"u qəbul edəcək.
Apasport.az xəbər verir ki, qonaqların baş məşqçisi Arne Slot matçdan qabaq maraqlı açıqlamalar verib.
Liqa mərhələsində Qalatasaraya məğlub olduqları oyunu xatırladan Slot, həmin görüşdə verilən penalti qərarı ilə bağlı danışıb:
"İngiltərə Premyer Liqasında verilməyəcək bir penalti qərarı ilə "Qalatasaray"a məğlub olmuşduq. Çempionlar Liqasında penalti standartları bir az daha aşağıdır. Bizim haqlı penaltimiz ləğv olunmuşdu".
Slot İstanbuldakı atmosfer barədə də fikirlərini bildirib:
"Türkiyədəki atmosferi bilirəm, "Qalatasaray" azarkeşləri möhtəşəmdir. "Bodo Qlimt"in baş məşqçisi İstanbul səfərinə qulaq tıxacı ilə gəlmişdi. Mən elə etməyəcəm.
Qeyd edək ki, "Qalatasaray" - "Liverpul" görüşü bu axşam Bakı vaxtilə 21:45-də start götürəcək.
Oxşar xəbərlər
Ana səhifə
Bütün xəbərlər