Portuqaliya təmsilçisi “Braqa” da “Qarabağ”ın Çempionlar Liqasına yüksəlməsi ilə bağlı paylaşım edib.

Apasport.az xəbər verir ki, klub sosial şəbəkə platforması “TikTok”da yayımladığı video ilə Ağdam təmsilçisini təbrik edərək qürur hissi keçirdiyini bildirib:

“Qarabağ”ın UEFA Çempionlar Liqasına yüksəlməsini övladı ilə fəxr edən ata hissi ilə izləyirik”.

Xatırladaq ki, “Qarabağ” və “Braqa” 2023/24 mövsümündə UEFA Avropa Liqasının 1/16 final mərhələsində qarşılaşıb. İlk oyunda Ağdam klubu səfərdə 4:2 hesabı ilə qalib gəlib, cavab görüşündə isə “Braqa” 3:2 hesablı qələbə qazanıb. İki oyunun nəticəsinə əsasən, “Qarabağ” ümumi 6:5 hesabı ilə mərhələ adlamışdı.

Qeyd edək ki, “Braqa” hazırda UEFA Avropa Liqasındakı mübarizəsini davam etdirir.

• UEFA-dan final matçları ilə bağlı yeni qərar
• "Beşiktaş"da ayrılıq baş verə bilər
• "Qalatasaray" Bissuma transferindən imtina edib
• "Problem sistemdir" - Amorimə sərt tənqid
• Günün matçları bu kanallarda