“Qalatasaray” klubunun prezidenti Dursun Özbek son günlər ictimaiyyətdə müzakirə olunan qanunsuz mərc iddiaları ilə bağlı açıqlama verib.
Apasport.az xəbər verir ki, klub rəhbəri daha əvvəl "Qalatasaray"a sponsor olan və mərc oyunları saytı olduğu iddia edilən əməkdaşlıqla bağlı məsələyə aydınlıq gətirərək bildirib ki, mövzu əvvəlcədən Türkiyə Futbol Federasiyası (TFF) ilə razılaşdırılıb:
“Xəbər saytı vasitəsilə sponsorluq əldə etdik və TFF-dən bunun mümkün olub-olmadığını soruşduq. Federasiya əvvəlcə razılıq verdi. Lakin ertəsi gün mövqelərini dəyişərək bunun qadağan olunmuş sayt olduğunu bildirdilər. Biz də elə həmin gün müqavilədən imtina etdik. "Qalatasaray" bu işdən bir qəpik də qazanmayıb və heç bir fayda əldə etməyib”.
Özbek bəzi futbolçularla bağlı aparılan mərc araşdırmalarına da toxunub. O qeyd edib ki, futbolçuların mərc etməsi qadağandır və bu qaydanı pozanlar artıq intizam cəzası alıblar:
“Mərc oynadığı müəyyən olunan futbolçular cəzalandırılıb. Cəzasını çəkmiş şəxslər haqqında yenidən danışmağa ehtiyac yoxdur. "Qalatasaray" ictimaiyyətində bu işlə əlaqəsi olan heç kim yoxdur”.
Oxşar xəbərlər
Ana səhifə
Bütün xəbərlər