La Liqa: Nəhənglərdən qələbə

30.11.2025 - 01:41

İspaniya La Liqasında bu gün keçirilən oyunlar yekunlaşıb.

Apasport.az xəbər verir ki, “Xetafe” öz meydanında “Elçe” üzərində 1:0 hesablı qələbə qazanıb. Meydan sahibləri matç boyunca daha intizamlı oyun nümayiş etdirərək minimal üstünlüyü qorumağı bacarıb.

“Mayorka” – “Osasuna” qarşılaşması 2:2 hesabı ilə başa çatıb. Hər iki komanda hücumda fəal çıxış edib və matç qarşılıqlı qollarla yadda qalıb.

“Barselona” doğma arenada “Alaves”i 3:1 hesabıyla məğlub edib. Kataloniya təmsilçisi oyuna nəzarəti ələ alaraq üstünlüyünü qollara çevirib.

Günün son duelində isə “Levante” öz meydanında “Atletik Bilbao”ya 0:2 hesabı ilə uduzub. Səfər komandası matçın hər iki hissəsində daha üstün olub və vacib qələbə əldə edib.