“Qalatasaray”ın zədə səbəbindən iki həftədir yaşıl meydanlardan uzaq qalan Viktor Osimhenlə bağlı Nigeriya Futbol Federasiyasına müraciət etdiyi iddia olunub.
Apasport.az xəbər verir ki, İstanbul təmsilçisi hücumçunun 2027-ci il Afrika Millətlər Kubokunun seçmə mərhələsində keçiriləcək oyunlarda iştirak etməməsini istəyib.
Lakin Nigeriya Futbol Federasiyası “Qalatasaray”ın bu müraciətini rədd edib. Baş məşqçi Erik Şell 26 yaşlı futbolçunu Madaqaskar və Qvineya-Bisau ilə oyunlar üçün 24 nəfərlik heyətə daxil edib.
Nigeriya sentyabrın 25-də Madaqaskarı qəbul edəcək, sentyabrın 29-da isə Qvineya-Bisau ilə səfərdə qarşılaşacaq.
Qeyd edək ki, Osimhen “Başakşehir”lə matçda sağ adduktor (qasıq) əzələ qrupunda dartılma aşkarlanıb. Onun “Trabzonspor”la qarşılaşmada oynayıb-oynamayacağı hələlik məlum deyil.
Oxşar xəbərlər
Ana səhifə
Bütün xəbərlər