“Komandamız Azərbaycanla oyuna tam hazırdır”.

Apasport.az saytının məlumatına görə, bunu Slovakiya millisinin baş məşqçisi Pavel Hapal deyib.

O, AVRO-2020-nin seçmə mərhələsinin Azərbaycanla sabahkı görüşünə həsr olunan mətbuat konfransında fikirlərini açıqlayıb: 

“Ötən matçdakı nəticədən sonra hamımız üzgünük. Lakin qarşıdakı görüşə köklənməliyik. Bunun öhdəsindən gəlməliyik və hadisələrin xoşbəxt axarına ümid etməliyik. Bütün fikrim bu qarşılaşmaya yönələcək. Kardiffdəki Uels – Macarıstan matçının axarını izləyə bilmərəm. Həmin görüşdə heç-heçə olması realdır. Bizim futbolçulara çox çətin olacaq. Amma inamımızı itirmirik”.

Qeyd edək ki, noyabrın 19-da Trnava şəhərində keçiriləcək Slovakiya - Azərbaycan matçı Bakı vaxtı ilə saat 23:45-də başlayacaq.

• “Neftçi” yeni loqosunu təqdim edib
• Jurnalistlər arasında kamandan oxatma yarışı keçirilib - FOTO
• Zərdab, Ucar və Kürdəmirdə yeni "Sağlam məhəllə" idman zonaları istifadəyə verilib
• MOK-un nümayəndəsi Günay Əsgərova Birmingemdə IWG Qlobal Sammitində iştirak edib
• İdmançımız Bolqarıstanda gümüş medal qazanıb