“4 xalın qrupdan çıxmaq üçün yetərli olub-olmayacağını bilmirik. Bu üzdən İtaliya ilə səfər matçında da xal qazanmağa çalışacağıq”.

Apasport.az saytının məlumatına görə, bunu Uels yığmasının baş məşqçisi Rob Peyc AVRO-2020-nin qrup mərhələsinin II turunda Türkiyə ilə keçirilən oyundan sonra deyib.

Bakı Olimpiya Stadionundakı qarşılaşmada 2:0 hesablı qələbə qazanan britaniyalılar xal ehtiyatını 4-ə yüksəldib.

Oyunsonrası mətbuat konfransında 47 yaşlı mütəxəssis fikrini bu sözlərlə davam etdirib: “Bu gün dünyanın ən xoşbəxt insanıyam. Hər şey Uels üçün idi. Hamı Beyli, Remsini tərifləyir. Əlbəttə, onlar əla oyun keçirdilər. Amma digər 9 futbolçu da yüksək səviyyədə çıxış etdi. Biz kollektiv kimi davranmasaq, heç kim olarıq. Meydanda 11 nəfər eyni nöqtəyə vurur”.
 

• Jurnalistlər arasında kamandan oxatma yarışı keçirilib - FOTO
• Zərdab, Ucar və Kürdəmirdə yeni "Sağlam məhəllə" idman zonaları istifadəyə verilib
• MOK-un nümayəndəsi Günay Əsgərova Birmingemdə IWG Qlobal Sammitində iştirak edib
• İdmançımız Bolqarıstanda gümüş medal qazanıb
• “Ganja Cup” üzgüçülük yarışı ikinci dəfə keçiriləcək