“Hesab edirəm ki, bütün ölkələrdə koronavirus qurtarana qədər Tokiodakı Olimpiada tam şəkildə keçirilə bilməz”.

Apasport.az saytının məlumatına görə, bunu Yaponiyanın Olimpiya Oyunları ilə bağlı işlər üzrə naziri Seiko Hasimoto deyib.

O bildirib ki, koronavirus pandemiyasının yayıldığı bir vaxtda Tokio-2020 Yay Olimpiya Oyunlarının tam şəkildə keçirilməsi mümkünsüzdür. Nazir yarışın yalnız dünyanın koronavirusun öhdəsindən gəlməsindən sonra təşkilini düzgün sayır: “Biz ilk növbədə öz qüvvələrimizi birləşdirməliyik. Tədbirlər görüb koronavirusa son qoymalıyıq”. 

Qeyd edək ki, Beynəlxalq Olimpiya Komitəsi hələlik iyulun 24-dən avqustun 9-dək keçirilməli olan Olimpiadanın təxirə salınması ilə bağlı rəsmi qərar verməyib.
 

• “Neftçi” yeni loqosunu təqdim edib
• Jurnalistlər arasında kamandan oxatma yarışı keçirilib - FOTO
• Zərdab, Ucar və Kürdəmirdə yeni "Sağlam məhəllə" idman zonaları istifadəyə verilib
• MOK-un nümayəndəsi Günay Əsgərova Birmingemdə IWG Qlobal Sammitində iştirak edib
• İdmançımız Bolqarıstanda gümüş medal qazanıb