Slovakiyanın Koşitse şəhərində ağır atletika üzrə yeniyetmələr arasında dünya çempionatına start verilib. Apasport.az saytının məlumatına görə, mundiala 7 idmançı ilə qatılan Azərbaycan millisi yarışa uğursuz başlayıb.

Belə ki, ilk gündə yığmamızın 2 üzvü mübarizəyə qoşulmalı olsa da, Valeh Baxşəlizadənin (50 kq) son anda qeyri-müəyyən səbəbdən yarışda iştirak etməyib. Onun çəkisində mübarizə aparan Rüstəm İmanzadə isə ümidləri doğrultmayıb.

Birdən qaldırmada ilk cəhdində 78 kq, daha sonra 83 kq-ı çəkini uğurla başı üzərinə qaldıran atletimiz təəssüf ki, 88 kq-ı ram edə bilməyib. Nəticədə gənc idmançımız bu hərəkətdə 5-ci yeri tutub.

Sonuncu çəkinin öhdəsindən gələ bilməyən İmanzadə həmin vaxt biləyindən də zədələnib və təkanla qaldırma hərəkətində iştirak etməyərək, yarışı yarımçıq dayandırıb.

Qeyd edək ki, dünya birinciliyi sentyabrın 23-də başa çatacaq.

• “Bakı-Xankəndi” veloyarışı: İkinci mərhələnin qalibləri mükafatlandırılıb
• “Bakı-Xankəndi” veloyarışı: İkinci mərhələ başa çatdı
• Bakı-Xankəndi velosiped yarışında 2-ci mərhələyə start verilib - FOTO
• “Bakı-Xankəndi” veloyarışı: İlk mərhələ başa çatdı
• Heydər Əliyev zirvəsinə ənənəvi yürüş təşkil olunub