Ermənistanın paytaxtı İrəvanda gənc boksçular arasında dünya çempionatında bu gün yarımfinal görüşləri keçirilib. Apasport.az saytının məlumatına görə, rinqə çıxan idmançılar arasında həmyerlimiz Pərviz Bağırov (64 kq) da olub.

2 gün öncə yarımfinala yüksəlməklə, özü üçün bürünc medalı təmin edən Avropa çempionumuz qvatemalalı Lester Normandi Martines Tutla döyüşüb. Amma görüş həmyerlimiz üçün uğursuz alınıb.

O, ilk raundda rəqibinə 1:3 hesabı ilə uduzsa da, ikinci hissədə dönüş yaradıb. Bu dəfə hər boksçunun 5 dəqiq zərbəsi qeydə alınıb. Lakin sonuncu raund idmançımız üçün çətin keçib və Pərviz yekunda 9:13 hesabı ilə uduzub.

Qeyd edək ki, yığmamız Ermənistana 7 boksçu ilə yollanmışdı.

• Azərbaycan qadın atıcıları Avropa Çempionatında bürünc medal qazandı
• “Bakı-Xankəndi” veloyarışı: İkinci mərhələnin qalibləri mükafatlandırılıb
• “Bakı-Xankəndi” veloyarışı: İkinci mərhələ başa çatdı
• Bakı-Xankəndi velosiped yarışında 2-ci mərhələyə start verilib - FOTO
• “Bakı-Xankəndi” veloyarışı: İlk mərhələ başa çatdı