Ağırlıqqaldırma üzrə Azərbaycan yığmasından imtina edən bolqarıstanlı legionerlərin taleyinə federasiya prezidentlərinin görüşündə aydınlıq gələcək. Apasport.az saytının məlumatına görə, Bolqarıstan Ağır Atletika Federasiyasının prezidenti Nedelço Kolev həmyerliləri Boyanka Kostova, İvan Stoitsov və Veliçko Çolakovun yenidən Balkan təmsilçisinin şərəfini qoruması üçün azərbaycanlı həmkarı Cahangir Əsgərovla danışıqlar aparacaq.

Bu görüş Bakıda keçirilən Beynəlxalq Ağır Atletika Federasiyasının konqresində zamanı gerçəkləşəcək. Kolev Əsgərovla 1 gün öncə danışıb, məsələni yoluna qoymaq istəsə də, onların görüşü baş tutmayıb. Buna səbəb Əsgərovun İsveçrədə olması ilə əlaqədar konqresə qatılmamasıdır.

Lakin Kolev bu görüşlə bağlı nikbin fikirdədir: “3 idmançımızdan ən azı birinin geriyə qaytarmaq şansımız böyükdür. Fikrimcə, bu İvan Stoitsov ola bilər. Boyanka ilə Veleçkonun məsələsi isə daha çətindir. Onlar Olimpiadada da Azərbaycanın şərəfini qoruyublar. Ümid edirəm ki, ən azı Stoitsovu geri qaytaracağıq”.

• Sahib Ələkbərov: "Əsas məqsədimiz velosiped idman növünü inkişaf etdirməkdir"
• Azərbaycan qadın atıcıları Avropa Çempionatında bürünc medal qazandı
• “Bakı-Xankəndi” veloyarışı: İkinci mərhələnin qalibləri mükafatlandırılıb
• “Bakı-Xankəndi” veloyarışı: İkinci mərhələ başa çatdı
• Bakı-Xankəndi velosiped yarışında 2-ci mərhələyə start verilib - FOTO