Yanvarın 26-da 1999-2001-ci il təvəllüdlü yeniyetmələr arasında taekvondo üzrə Bakı şəhər birinciliyi keçiriləcək. Taekvondo Federasiyasından apasport.az saytına verilən məlumata görə, Hövsan Olimpiya İdman Kompleksində keçiriləcək yarışı Bakı Şəhər Gənclər və İdman İdarəsi (BŞGİBİ) təşkil edir.

Oğlanlar arasında paytaxt birinciliyi 33 kq, 37 kq, 41 kq, 45 kq, 53 kq, 57 kq, 61 kq, 65 kq və +65 kq çəki dərəcələrində olacaq. Turnirdə Bakının müxtəlif rayonlarından klubların tərkibində 100-dək idmançı mübarizə aparacaq. Taekvondoçular DaeDo elektron gödəkçələrdən istifadə edəcəklər. İştirakçıların çəkiləri yanvarın 25-də saat 09:00-12:00-da federasıyanın təlim-məşq bazasında müəyyənləşdiriləcək.

Fərqlənən taekvondoçular BŞGİBİ-nin müvafiq diplomları, xatirə hədiyyələri və pul mükafatı ilə təltif ediləcəklər.

• Sahib Ələkbərov: “Bakı-Xankəndi” yarışında hər şey yüksək səviyyədə təşkil olunub”
• “Bakı-Xankəndi” veloyarışı: Üçüncü mərhələ başa çatdı
• Sahib Ələkbərov: "Əsas məqsədimiz velosiped idman növünü inkişaf etdirməkdir"
• Azərbaycan qadın atıcıları Avropa Çempionatında bürünc medal qazandı
• “Bakı-Xankəndi” veloyarışı: İkinci mərhələnin qalibləri mükafatlandırılıb