DÇ-2014-ün seçmə mərhələsində Azərbaycan milli komandasının rəqibi olan Portuqaliya yığmasının qarşıdakı oyunlara hazırlıq planı açıqlanıb. Apasport.az saytının məlumatına görə, Paulu Bentunun yetirmələri martın 18-də bir araya gələcək.

Rəqibimiz vətənində 4 məşq keçəcək. Hazırlığın ilk və son günündə 1, martın 19-da isə 2 məşqə çıxacaq Portuqaliya millisi ayın 21-də İsrailə yollanacaq. Onlar ertəsi gün paytaxt Təl-Əvivin yaxınlığındakı Ramat-Qan şəhərindəki Milli stadionda meydan sahibləri ilə qarşılaşacaq.

Martın 23-də Azərbaycana yollanacaq Bentunun yetirmələri Bakıda 3 gün hazırlıq keçəcək. Əfsanəvi Kriştianu Ronaldo və onun komanda yoldaşları bu müddətdə “Bakı” klubunun Biləcəridəki bazasında məşq edəcək.

Qeyd edək ki, Azərbaycan – Portuqaliya oyunu martın 26-da saat 21:00-da Tofiq Bəhramov adına Respublika stadionunda keçiriləcək.

• Sahib Ələkbərov: “Bakı-Xankəndi” yarışında hər şey yüksək səviyyədə təşkil olunub”
• “Bakı-Xankəndi” veloyarışı: Üçüncü mərhələ başa çatdı
• Sahib Ələkbərov: "Əsas məqsədimiz velosiped idman növünü inkişaf etdirməkdir"
• Azərbaycan qadın atıcıları Avropa Çempionatında bürünc medal qazandı
• “Bakı-Xankəndi” veloyarışı: İkinci mərhələnin qalibləri mükafatlandırılıb