Yeniyetmə və gənc taekvondoçular arasında mərhum prezident Heydər Əliyevin 90 illik yubileyinə həsr olunmuş V ənənəvi ümumrespublika turnirinə start verilib. Taekvondo Federasiyasından apasport.az saytına verilən məlumata görə, qurumun, eləcə də Lənkəran şəhər Gənclər və İdman İdarəsinin, “Təhsil” Respublika İdman Mərkəzinin Lənkəran filialının birgə təşkil etdiyi yarışa bölgələrimizdə fəaliyyət göstərən idmançılar qatılıblar. Mayın 5-nə kimi davam edəcək yarış Masalı Olimpiya İdman Kompleksində keçirilir. Turnirdə gənclər və yeniyetmə taekvondoçular bütün çəki dərəcələrində qüvvələrini sınayacaqlar.

Qeyd edək ki, yarışda şəxsi və komanda birinciliyi üzrə yerlər müəyyən edildikdən sonra idmançılar Azərbaycan Taekvondo Federasiyası, Lənkəran şəhər Gənclər və İdman İdarəsinin, “Təhsil” Respublika İdman Mərkəzinin Lənkəran filialı tərəfindən diplom, medal və müxtəlif hədiyyələrlə mükafatlandırılacaqlar.

• Sahib Ələkbərov: “Turnirə maraq olduqca böyükdür"
• “Bakı-Xankəndi” veloyarışı: Dördüncü mərhələ yekunlaşıb - FOTO
• “Bakı-Xankəndi” veloyarışı: Dördüncü mərhələyə start verilib
• Sahib Ələkbərov: “Bakı-Xankəndi” yarışında hər şey yüksək səviyyədə təşkil olunub”
• “Bakı-Xankəndi” veloyarışı: Üçüncü mərhələ başa çatdı